يوميات زوجة مفترسه/زغلول الطواب
( يوميات زوجه مفتريه )
عروسه وعريس
بعد شهر العسل
بقلمي زغلول الطواب
العروسه :
طبعاّ بح خلاص شهر العسل
وبقيت تضايق من ريحة التوم والبصل
وكأنك يا حبيبي نسيت كل إللي حصل
نسيت لما كنت تقولي وتعيدلي وتزيدلي
كأن الجواز بالنسبالك شهر وخلاص
كنا نسهر للصبح نهزر
وتأكلني بأيدك الشهد والسكر
دلوقتي بقيت كوخه خلاص
العريس :
أيه رأيك أنا ممكن أهزر معاكي هزار خفيف
بس خلي بالك أنا قلبي يا حبيبتي ضعيف
ميتحملش منك غلاستك والهزار العنيف
يعني وبإختصار الرحمه يا ظريفه
بشويش واحده واحده متتعبنيش
كلمه منك وكلمه مني الوقت هيعدي
من غير تريقه ومن غير تلطيش
ضحكه منك وضحكه مني
هنقضي وقت جميل وظريف
أجمل حاجه في الدنيا الإتفاق
علشان منختلفش وميبقاش بينا خناق
وإللي هيخلف المعاهده ميزعلش من التلطيش
ولا أقولك علي حاجه السهره مش محتاجه
أحسن حاجه نتعشي وننام خفيف خفيف
العروسه :
آه قولي كده يا سي الخفيف
بتهرب بصنعة لطافهيا ظريف
لا بقولك أيه أنا غضبي متقدرش عليه
أنا ممكن أعديها مره وأتنين لكن التالته تابته
لو فاكرها هتعدي لا يا نور عنيا متعديش
كله إلا النهارده بقولك أيه خلص متتعبنيش
بلاش مناهده متفرهدنيش الحكايه سهله متخوفش
هنلعب عسكر وحراميه وبعدين مساكه من غير تنتيش
فيها حاجه دي يا خفيف
عامل فيها عنتروفاكرني هبله طول الليل سارح بره
وآخر الليل ترجع وتقولي معلش يا حبيبتي مفيش
لا إنسى يا حبيبي يا خبتي ونصيبي
وحيات مامتك الغاليه
بس يصبح الصبح هروحلها وأقولها إبنك مينفعنيش
هخلي فيضيحتك بجلالجل ساعتها هتقلب عبله يا ظريف
أيه رآئك أنا خلاص قفلت معايا هنلعب عسكر وحراميه
ولا أشق هدومي وأصوت وأجيبلك البوليس
العريس :
إنتي عصبيه كده ليه أنا بهزر معاكي يا بنت الإيه
قلبتيها ضلمه وإنتي الشمعه إللي بتنور حياتي
ينفع كده يا أم دم خفيف
عايزه تقولي لأمك وكمان تجيبي البوليس
مكنش العشم يا حياتي قومي عشيني ومتقلقيش
بس ياريت يا حبيبتي متتأخريش
العروسه :
ومالو هعشيك يا عنيا
لما أشوف آخرتها وياك يا ظريف
أجيبلك رز ومولخيه ولا تقضيها جبنه وتنام خفيف
ولا أقولك أنا هعمل إللي عليا
علشان ميبقاش ليك حجه يا خفيف
هعملك حمام محشي وكمان جمبري مشوي
كده عداني العيب وشويه
لما أشوف آخرتها وياك يا عنيا
العريس :
بسرعه يا حبيبتي متتأخريش
أنا أيه إللي خلاني بس إتجوزت
منا كنت عايش حر من غير ست
يخربيتو إللي شار علياوخلاني إتنيلت
أنا راسي تقيله كده ليه شكلي هنام ولا أيه
ربنا يستر ومتقتلنيش
نفسي أمدد شويه النوم كابس عليا
شكلي كده هروح فطيس
العروسه :
العشا جاهز يا عريس
يلا تعالى بسرعه الأكل سخن نار والعه
يخرب بيتك إنت نمت ولا أيه
يا لههههههههههههههوي ليلتك سوده يابن الإيه
وكمان بتشخر يا عنيا وأنا إللي كنت فاكراك عنتر
خليتني ولا حصلت ليلي ولا عبله
أما أنا صحيح طلعت هبله
وقال أيه حضري العشا بتضحك عليا يا ظريف
الصباح رباح يا خفيف
هطفحك السم الهاري يمكن تبرد ناري
أنا هخليك زي الديك الشركسي من غير عرف ولا ريش
تعالي إلحقيني يامه تعالي غطيني وصوتي عليا
عريس الهنا بح خلاص
عروسه وعريس
بعد شهر العسل
بقلمي زغلول الطواب
العروسه :
طبعاّ بح خلاص شهر العسل
وبقيت تضايق من ريحة التوم والبصل
وكأنك يا حبيبي نسيت كل إللي حصل
نسيت لما كنت تقولي وتعيدلي وتزيدلي
كأن الجواز بالنسبالك شهر وخلاص
كنا نسهر للصبح نهزر
وتأكلني بأيدك الشهد والسكر
دلوقتي بقيت كوخه خلاص
العريس :
أيه رأيك أنا ممكن أهزر معاكي هزار خفيف
بس خلي بالك أنا قلبي يا حبيبتي ضعيف
ميتحملش منك غلاستك والهزار العنيف
يعني وبإختصار الرحمه يا ظريفه
بشويش واحده واحده متتعبنيش
كلمه منك وكلمه مني الوقت هيعدي
من غير تريقه ومن غير تلطيش
ضحكه منك وضحكه مني
هنقضي وقت جميل وظريف
أجمل حاجه في الدنيا الإتفاق
علشان منختلفش وميبقاش بينا خناق
وإللي هيخلف المعاهده ميزعلش من التلطيش
ولا أقولك علي حاجه السهره مش محتاجه
أحسن حاجه نتعشي وننام خفيف خفيف
العروسه :
آه قولي كده يا سي الخفيف
بتهرب بصنعة لطافهيا ظريف
لا بقولك أيه أنا غضبي متقدرش عليه
أنا ممكن أعديها مره وأتنين لكن التالته تابته
لو فاكرها هتعدي لا يا نور عنيا متعديش
كله إلا النهارده بقولك أيه خلص متتعبنيش
بلاش مناهده متفرهدنيش الحكايه سهله متخوفش
هنلعب عسكر وحراميه وبعدين مساكه من غير تنتيش
فيها حاجه دي يا خفيف
عامل فيها عنتروفاكرني هبله طول الليل سارح بره
وآخر الليل ترجع وتقولي معلش يا حبيبتي مفيش
لا إنسى يا حبيبي يا خبتي ونصيبي
وحيات مامتك الغاليه
بس يصبح الصبح هروحلها وأقولها إبنك مينفعنيش
هخلي فيضيحتك بجلالجل ساعتها هتقلب عبله يا ظريف
أيه رآئك أنا خلاص قفلت معايا هنلعب عسكر وحراميه
ولا أشق هدومي وأصوت وأجيبلك البوليس
العريس :
إنتي عصبيه كده ليه أنا بهزر معاكي يا بنت الإيه
قلبتيها ضلمه وإنتي الشمعه إللي بتنور حياتي
ينفع كده يا أم دم خفيف
عايزه تقولي لأمك وكمان تجيبي البوليس
مكنش العشم يا حياتي قومي عشيني ومتقلقيش
بس ياريت يا حبيبتي متتأخريش
العروسه :
ومالو هعشيك يا عنيا
لما أشوف آخرتها وياك يا ظريف
أجيبلك رز ومولخيه ولا تقضيها جبنه وتنام خفيف
ولا أقولك أنا هعمل إللي عليا
علشان ميبقاش ليك حجه يا خفيف
هعملك حمام محشي وكمان جمبري مشوي
كده عداني العيب وشويه
لما أشوف آخرتها وياك يا عنيا
العريس :
بسرعه يا حبيبتي متتأخريش
أنا أيه إللي خلاني بس إتجوزت
منا كنت عايش حر من غير ست
يخربيتو إللي شار علياوخلاني إتنيلت
أنا راسي تقيله كده ليه شكلي هنام ولا أيه
ربنا يستر ومتقتلنيش
نفسي أمدد شويه النوم كابس عليا
شكلي كده هروح فطيس
العروسه :
العشا جاهز يا عريس
يلا تعالى بسرعه الأكل سخن نار والعه
يخرب بيتك إنت نمت ولا أيه
يا لههههههههههههههوي ليلتك سوده يابن الإيه
وكمان بتشخر يا عنيا وأنا إللي كنت فاكراك عنتر
خليتني ولا حصلت ليلي ولا عبله
أما أنا صحيح طلعت هبله
وقال أيه حضري العشا بتضحك عليا يا ظريف
الصباح رباح يا خفيف
هطفحك السم الهاري يمكن تبرد ناري
أنا هخليك زي الديك الشركسي من غير عرف ولا ريش
تعالي إلحقيني يامه تعالي غطيني وصوتي عليا
عريس الهنا بح خلاص
تعليقات
إرسال تعليق